دموع القمر اهلا وسهلا بكم في منتديات دموع القمر ،، اهلا بك عضونا الكريم ،، وزائرنا العزيز ،، اشترك ولن تندم |
| | لا تــــقولين لطفلك ,,,, بل قولي له .. | |
| | كاتب الموضوع | رسالة |
---|
بنت الجود مشرفة الاسرة والطفل
عدد الرسائل : 315 العمر : 36
| موضوع: لا تــــقولين لطفلك ,,,, بل قولي له .. الثلاثاء ديسمبر 02, 2008 7:48 pm | |
| اهلين فيكم شخباركم لا تقولين ياويلك إن رجعت البيت وملابسك وسخة - قولي ما أجملك يوم ترجع البيت وملابسك نظيفة
لا تقولين الله ياخذك ... والا ياليت يوم ولدتك بركت عليك - قولي الحمد لله إللي وهبك لي هدية
لا تقولين بسير أرقد وما أبغي أسمع صوتك - قولي أنا أدري الحلو مابيخلي أحد يسوي إزعاج علشان الماما محتاجة ترقد وترتاح
لا تقولين أف ذبحتني بشقاوتك ... إياني وإياك تكسر أغراض البيت - قولي الحمد لله إن الله رزقني بولد مثلك يحافظ على أغراض البيت ومنظره علشان الناس يوم تدخل ... تقول ما شاء الله على الولد إللي يحافظ على نظافة بيته.
لا تقولين قوم ذاكر وحل واجباتك - قولي شو رايك تذاكر علشان نقعد مع بعض نلعب ونسولف بدون ما نحاتي واجباتنا
لا تقولين إنت غبي أو إنت عبيط أو إنت ماتفهم ... راعي قدرات الطفل للإستيعاب - قولي ماما خلنا نعود أنفسنا نفكر ونركز قبل ما نسوي أي شي أو نقول شي ( لاحظي صيغة الجمع ... علشان الطفل مايحس إنه استيعابه بطيء وهذا عيب يخصه بروحة فينطوي على نفسه )
لا تقولين إنت عنيد وما يفيد فيك غير الضرب - قولي ما شاء الله عندي ولد يحبني ويسمع كلامي فيستاهل إني أسمع كلامه ... فشو تحب تاكل اليوم أو وين تحب تسير في نهاية الإسبوع أو شو الهدية إللي تبغيها أو تستاهل بوسه كبيرة أو تستاهل ضمة قوية علشان ما يتعود الطفل على الجزاء المادي
لا تقولين عمرك ما بتصير مثل فلان ... أو الله عطى الناس عيال وعطاني أنا ولد مثلك خايب - قولي أحبك يوم تسوي أشياء تشرف علشان أفتخر فيك قدام الناس يتمنون عيالهم يكونون مثلك
لا تقولين إنت مامنك فايدة في الدراسة أو بذبحك إن جبت لي درجات واطية - قولي أنا واثقة إنك ما بتخيب ظني فيك ... وما بتجيب غير الدرجات الحلوة إللي مثلك
لا تقولين كل أكلك وماأبغي أشوف شي في صحنك - قولي خلنا نشوف من الأشطر أنا والا إنت منو إللي بيقدر يخلص إللي في الصحن ( لا تحاولين تترسين الصحن فوق طاقة ولدج علشان ما يحط في خاطره إنه ماخلص صحنه وخسر ) ( لا تقولين لولدج خلنا نتسابق والا منو يخلص قبل الصحن .... علشان ما ياكل بسرعة فتتعب معدته لأنه ما يقدر يهضم بسرعة أو يغص إسم الله عليه )
لا تقولين لطفلك يا **** أو يا حقير ( لأنج قدوة ... فلازم تراعين ألفاضج وبالذات إنج أم واعية وفاهمه ما شاء الله عليج )
مع تحياتي للجميع | |
| | | .. دموع القمر .. !.! مديرة المنتدى !.!
عدد الرسائل : 488 العمل/الترفيه : طـالبة المزاج : عسسل ورايق
| موضوع: رد: لا تــــقولين لطفلك ,,,, بل قولي له .. الأربعاء ديسمبر 03, 2008 11:56 pm | |
| كـــــلامج درر
اختي بنت الجود ..
تسلمين حبيبتي ويعطيج الف عافيه عيوني .. | |
| | | al_mazuna المشرفة العامة
عدد الرسائل : 510 العمر : 32 العمل/الترفيه : طــالبة المزاج : كووول
| موضوع: رد: لا تــــقولين لطفلك ,,,, بل قولي له .. الخميس ديسمبر 04, 2008 1:53 am | |
| اي والله
هاذي الحجي الي المفروض ينقال
وينهي امي اتيي اتجوف الحجي
<< أنسوي روحنه يهااال
بس لا صج احنه للحين موب كلش كباار فلازم يقولون لنه هلون
ياخذونه على قد عقلنه عدل لو لا ؟؟
يعطيج العافيه عيني
تحياتي
al_mazuna | |
| | | مزيانه عضو متميز
عدد الرسائل : 343 العمر : 39
| موضوع: رد: لا تــــقولين لطفلك ,,,, بل قولي له .. الخميس ديسمبر 04, 2008 2:12 pm | |
| تسلم ايدك الحلوه خيوه تحياتي مزيانه | |
| | | بنت الجود مشرفة الاسرة والطفل
عدد الرسائل : 315 العمر : 36
| موضوع: رد: لا تــــقولين لطفلك ,,,, بل قولي له .. الخميس ديسمبر 04, 2008 7:51 pm | |
| دموع القم، المزيونة، مزيانة مشكورين يالغالين على التواصل المستمر
وتحيتي للجميع | |
| | | no0ono0o مشرفة التصميم والجرافكس
عدد الرسائل : 340 العمر : 32 المزاج : بردانــــة
| موضوع: رد: لا تــــقولين لطفلك ,,,, بل قولي له .. الجمعة ديسمبر 05, 2008 3:49 pm | |
| كلامج حنووووووون
يعطيج العافية حياتي
وتحياتي.. | |
| | | بنت الجود مشرفة الاسرة والطفل
عدد الرسائل : 315 العمر : 36
| موضوع: رد: لا تــــقولين لطفلك ,,,, بل قولي له .. السبت ديسمبر 13, 2008 6:49 pm | |
| no0ono0o مشكورة على الطلة الحلوة عيني
وتحيتي لكم | |
| | | | لا تــــقولين لطفلك ,,,, بل قولي له .. | |
|
| صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |
|